Oikeusturvalisuus ja oikeusvarmuus
Ihmisillä oon oikeus oikeusturvalisuutheen ja oikeusvarmuutheen. Net oon yhtheiskunnan keskiset osat ja perusta temokratiile.
Mitäs oikeuslaitos tarkottaa?
Ruottin Tuomioistuimilla ja muila virastoila, joitako kuttuthaan oikeuslaitokseksi, oon eri toimia ja tehtävia, niin estämistä, vastustamista ja rikoksen tutkimista, ja ette ratkasta asioita, panna toihmeen rangastuksia ja ette antaa tukea rikosuhrile.
Minkäs laisia tuomioistuimia oon olemassa?
Ruottalaisessa tuomioistuinsysteemissä ratkasthaan usseimat asiat niin ylheisissä tuomioistuimissa elikkä hallintotuomioistuimissa. Mihinkä asia kuuluu riippuu siittä mistä oon kyse.
Mitäs tuomioistuimet tekevät?
Tuomioistuimitten ja lautakunnitten päätehtävä oon ette ratkasta asioita ja kysymyksiä– siis ette tuomita. Joskus asioita ratkasthaan käräjissä, joskus arvioimalla kirjotettua materiaalia.
Mikäs rolli tuomarilla oon?
Tuomari ratkassee asioita ja kysymyksiä. Ei kukhaan saata päättää elikkä vaikuttaa kunka tuomari pittää tuomita vississä asioissa – ei muut tuomarit, johtajat, valtiopäivät elikkä hallitus. Ette tuomarit oon puoluettomat ja ittenhäiset oon tärkeätä oikeusvarmuuelle ja temokratiile.